Tabhartais agus Ranníocaíochtaí

Cuireann na liostaí eolas ar fáil faoi thabhartais agus ranníocaíochtaí (mar a shainmhínítear i Rialachán (AE, Euratom) Uimh. 1141/2014) ar ghlac na páirtithe polaitiúla Eorpacha agus na fondúireachtaí polaitiúla Eorpacha leo go hiarbhír i ndáil leis na blianta tagartha sonracha a léirítear. Dá bhrí sin, ní liostaíonn siad suimeanna infhaighte (i.e. cearta chun íocaíochta amach anseo). Chomh maith leis sin, faoin gcreat dlíthiúil reatha, ní fhoilsíonn an tÚdarás míreanna ioncaim i gcás inar sainaithníodh easpa buntáiste eacnamaíoch, amhail táillí rannpháirtíochta bunaithe ar chostas le haghaidh imeachtaí. Le haghaidh tuilleadh faisnéise, féach an mhír threorach ar an suíomh gréasáin seo (maidir leis na rialacha is infheidhme faoi láthair) agus tuarascálacha bliantúla an Údaráis.