Donazzjonijiet u kontribuzzjonijiet

Il-listi jinfurmaw dwar donazzjonijiet u kontribuzzjonijiet (kif definiti fir-Regolament (UE, Euratom) Nru 1141/2014) li fil-fatt ġew aċċettati mill-partiti politiċi Ewropej u mill-fondazzjonijiet politiċi Ewropej fir-rigward tas-snin ta' referenza speċifiċi indikati. Konsegwentement, huma ma jelenkawx sempliċi riċevibbli (jiġifieri drittijiet għal pagament futur). Barra minn hekk, skont il-qafas legali attwali, l-Awtorità ma tippubblikax entrati tad-dħul fejn ġie identifikat nuqqas ta' vantaġġ ekonomiku, bħal miżati ta' parteċipazzjoni bbażati fuq il-kostijiet għal avvenimenti. Għal aktar informazzjoni, jekk jogħġbok ikkonsulta t-taqsima ta' gwida fuq dan is-sit web (dwar ir-regoli applikabbli bħalissa) u r-rapporti annwali tal-Awtorità.